Korleis komme seg til Færøy
Færøy ligg heilt nord i Solund kommune i Sogn og Fjordane. Omtrent midt mellom Florø og Bergen. Det er fleire måtar å komme seg hit på:
Med eigen båt tek det 2,5-3 timer frå Bergen og 2-2,5 timer frå Florø dersom båten marsjer i 18-20 knop. Hamna sin posisjon er N61°12,220’ E4°50,590’ og gjestehamna ligg på søraust sida av øya.
Last ned kart (du må ha Acrobat reader for å lese det).
Med bil
Frå Bergen: Følg E39 nordover over Norhordalandsbrua til du kjem til Instefjord. Der tek du av til venstre mot Rutledal. Denne turen tek mellom 1,5 til 2 timer. I Rutledal går det bilferje til Krakhella. Frå Krakhella køyrer du vidare og tek av mot Hersvikbygda. På Hersvik parkerer du på kaia og tek båt vidare til Færøy. Ferjetider, klikk her eller kontakt oss.
Frå Ålesund-Førde: Følg E39 sørover til Lavik ved Sognefjorden. Der køyrer du vidare ut langs fjorden til Rysjedalsvika. Der går ferja via Rutledal til Krakhella. Frå Krakhella køyrer du vidare og tek av mot Hersvikbygda. På Hersvik parkerer du på kaia og tek båt vidare til Færøy. Rutetider, klikk her eller kontakt oss.
Ekspressbåt
Fjord1 sine ekspressbåtar går nordover frå Bergen og sørover frå Nordfjord. Denne ruta går om morgonen og kvelden. Du går av båten på Krakhella og tek bussen vidare til Hersvik. Her går ”Pandora” til Færøy. Kontakt oss for ruteinfo eller klikk her
Grupper, blåturer o.l. Reiser de i ei gruppe kan det ofte lønne seg å leige eigen båt, t.d. frå Bergen og til Færøy. Vi hjelper deg med å skaffe båt til ein god pris, så ta gjerne kontakt med oss.
Lokalbåten ”Pandora” går fleire gonger både til og frå Færøy. Dei fleste turane må bestillast på førehand. Dette gjer du enten direkte til båten, telefon 48138885, eller vi kan bestille den for deg. For rutetider, sjå under aktivitetar og postruta i Nord-Solund.